|
|
|
|
|
|
|
|
-
Sindh Local Government Minister Saeed Ghani's visit's Karachi Development Authority. On this occasion, Director General KDA Syed Shujaat Hussa
-
Director General Karachi Development Authority Syed Shujaat Hussain met the delegation recommended by the World Bank in his office located in Civic
-
According to the notification issued by the Sindh government, Syed Shujaat Hussain has been appointed to the post of Director General Karachi Deve
-
Construction and development of the city and provision of basic facilities to the citizens are among the priorities, all possible steps are being ta
-
With the ADP fund issued by the Government of Sindh, the officers and employees of the Karachi Development Authority consisting of expert engineers ar
|
|
|
|
|
|
|
|
|
|
|
|
|
|
|
|
|
ادارہ کو معاشی طور پر مستحکم کرنے کیلئے مثبت تجاویز کا فوری جائزہ لیکر عملدرآمد یقینی بنایا جائے ۔ ڈائریکٹر جنرل ادارہ ترقیات کراچی عبدالقدیر منگی
|
|
|
|
|
|
05-May-2019
|
|
|
|
|
|
|
|
|
|
|
|
ڈائریکٹر جنرل ادارہ ترقیات کراچی عبدالقدیر منگی کی زیر صدارت سوک سینٹر میں اعلیٰ افسران پر مشتمل اجلاس منعقد ہوا۔ اس موقع پر ممبر فنانس آغا پرویز، سیکریٹری کے ڈی اے نعیم وحید، چیف انجینئر رام چند، ڈائریکٹر فنانس سعید خان، ڈائریکٹر آئی ٹی کمال احمد صدیقی، ترجمان ادارہ ترقیات اکرم ستار سمیت دیگر افسران نے شرکت کی۔ اجلاس میں انتظامی امورسمیت شہر کی تعمیر نو اور شہریوں کے لئے رہائشی پروجیکٹس کے بارے میں تفصیلی تبادلہ خیال کیا گیا۔ ڈی جی کے ڈی اے نے ڈائریکٹر ریکوری کو ہدایت کی کہ اختیارات میں رہتے ہوئے بقایا جات کی ادائیگی کو سو فیصد یقینی بنایا جائے جبکہ آمدن میں اضافے کیلئے نئے ذرائع تلاش کئے جائیں۔ ادارہ کو معاشی طور پر مستحکم کرنے کیلئے مثبت تجاویز کا فوری جائزہ لیکر عملدرآمد یقینی بنایا جائے ۔ انہوں نے مزید کہا کہ آئندہ اجلاس میں افسران اپنے شعبہ جات کے دفتری و انتظامی امور سمیت درپیش مسائل کی نشاندہی کی تحریری رپورٹ پیش کریں۔لینڈ سے متعلق تمام ریکارڈ کو کمپیوٹرائزڈ کرنے کیلئے اقدامات کئے جائیں جبکہ آئندہ اجلاس میں پیش رفت کے حوالے سے آگاہ کیا جائے۔ انہوں نے مزید کہا کہ ماضی میں ادارہ غیر مستحکم اور مالی بحران کا شکار تھا، گزشتہ برس سے ادارہ میں بہتری آئی ہے لیکن مزید بہتری کی گنجائش موجود ہے۔ حکومت سندھ اور وزیر بلدیات سعید غنی سے جلد ہی رابطہ کرکے درپیش مسائل کے خاتمے کیلئے مدد حاصل کی جائے گی۔ امید ہے کہ سندھ حکومت ماضی کی روایت کو برقرار رکھتے ہوئے ادارہ کی بہتری کیلئے بھرپور تعاون کرے گی۔ ان کا مزید کہنا تھا کہ کے ڈی اے افسران و ملازمین کی فلاح و بہبود کیلئے ہر سطح پر آواز بلند کی جائے گی۔ اس ضمن میں حکومت سندھ اور وزیر بلدیات کے تعاون سے ملازمین کی تنخواہوں سمیت دیگر مسائل کا خاتمہ کیا جائے گا، جلد ہی ادارہ ترقیات کراچی کو درپیش مسائل حکام بالا کے سامنے رکھے جائیں گے۔ انہوں نے زور دیتے ہوئے کہا کہ مستقل ملازمین کی عدم حاضری ادارے کو غیر مستحکم کرنے کا باعث ہے، مستقل و عارضی ملازمین قبلہ راست درست کرلیں، بصورت دیگر ان کیخلاف محکمہ جاتی کارروائی عمل میں لائی جائے گی۔ محکمہ جاتی افسران مستقل بنیادوں پر غیر حاضرملازمین کی فی الفور تنخواہوں کی ادائیگی روک کر وضاحت طلب کریں۔ روزانہ کی بنیاد پر حاضری رجسٹر کی رپورٹ سیکریٹریٹ میں جمع کرائیں۔
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Copyright © 2016 Karachi Development Authority. All Rights Reserved.
The KDA will not be responsible for the content of external internet sites.
/
Login
/
Webmail
|
|