| |
|
|
| |
|
| |
|
| |
-
Sindh Local Government Minister Saeed Ghani's visit's Karachi Development Authority. On this occasion, Director General KDA Syed Shujaat Hussa
-
Director General Karachi Development Authority Syed Shujaat Hussain met the delegation recommended by the World Bank in his office located in Civic Ce
-
According to the notification issued by the Sindh government, Syed Shujaat Hussain has been appointed to the post of Director General Karachi Deve
-
Construction and development of the city and provision of basic facilities to the citizens are among the priorities, all possible steps are being ta
-
With the ADP fund issued by the Government of Sindh, the officers and employees of the Karachi Development Authority consisting of expert engineers ar
|
|
|
|
|
|
|
| |
|
|
| |
|
|
|
|
|
|
|
|
ڈائریکٹر جنرل ادارہ ترقیات کراچی ڈاکٹر سید سیف الرحمان نے کہا کہ عوام کو بہتر سہولیات کی فراہمی کے لئے سوک سینٹر میں ون ونڈو آپریشن کا آغاز کیا جائے۔
|
|
|
|
|
|
|
|
06-Dec-2019
|
|
|
|
|
|
|
|
|
|
|
|
|
|
|
|
دور جدید میں کسی بھی ادارے کی ترقی میں محکمہ آئی ٹی ریڑھ کی ہڈی کی حیثیت رکھتا ہے لہٰذا اس سے بہتر مستفید ہونے کی ضرورت ہے۔ یہ بات ڈائریکٹر جنرل ادارہ ترقیات کراچی ڈاکٹر سید سیف الرحمان نے کے ڈی اے آفیسرز کے اعلیٰ سطحی اجلاس کی صدارت کرتے ہوئے کہی۔ انہوں نے کہا کہ عوام کو بہتر سہولیات کی فراہمی کے لئے سوک سینٹر میں ون ونڈو آپریشن کا آغاز کیا جائے تاکہ عام آدمی کی مشکلات میں کمی اور اعتماد بحال ہوسکے۔ جائیداد سے متعلق تمام فارمز پر درخواست دہندہ کا نام، مکمل پتہ، ای میل اور رابطہ نمبر درج ہونے کے ساتھ ساتھ مقررہ وقت میں اسے مکمل کرکے درخواست دہندہ کے حوالے کیا جائے ۔ چیف انجینئر رام چند نے اجلاس کو بتایا کہ کے ڈی اے کی 13 اسکیمیں تکمیل کے مراحل میں ہیں جن میں سے 6 اسکیمیں رواں ماہ دسمبر، 4 اسکیمیں مارچ 2020ء اور 3 اسکیمیں جون 2020ء تک مکمل کرلی جائیں گی۔ ڈائریکٹر جنرل ڈاکٹر سید سیف الرحمان نے چیف انجینئر کو ہدایت کی کہ وہ جاری ترقیاتی امور کی دیکھ بھال اور نگرانی کے لئے ہفتہ میں دو مرتبہ جائزہ لیں تاکہ معینہ مدت میں اسکیموں کو مکمل کیا جائے۔ ڈائریکٹر جنرل کے ڈی اے سید سیف الرحمان نے ڈائریکٹر اسٹیٹ اینڈ انفورنسمنٹ دلدار شاہ کو ہدایت دی کہ کے ڈی اے کی ایسی تمام جائیدادیں جنہیں کرائے پر دیا گیا ہے ان کے کرائے میں مارکیٹ ویلیو کے تناسب سے اضافہ کیا جائے جبکہ سپریم کورٹ آف پاکستان کی ہدایت پر عمل کرتے ہوئے کے ڈی اے کی زمینوں پر قائم پارکس، کھیل کے میدان، ایمنٹی اور رہائشی پلاٹوں پر سے ناجائز تجاوزات کا خاتمہ کرکے زمینیں واگزار کروائی جائیں اور متعلقہ افسران کو پابند کریں کہ وہ واگزار کروائی گئیں زمینوں پر دوبارہ قبضہ نہ ہونے دیں۔ انہوں نے کہا کہ انسداد تجاوزات کے افسران پر مشتمل ٹیم بنائی جائے اور تجاوزات کے خاتمے کے لئے مشینری کو متحرک کیا جائے۔ اس سلسلے میں تمام ایکسیئن ایک ہفتہ میں اپنی مکمل رپورٹ پیش کریں جس میں قبضہ کی گئی زمینوں کی تفصیلات شامل ہوں۔ ڈائریکٹر پارکس مبین صدیقی نے اجلاس کو بتایا کہ ان کے سروے کے مطابق ان کی حدود میں 103 نرسریاں گلستان جوہر، سرجانی ٹائون، اسکیم 33 اور نارتھ کراچی میں واقع ہیں جن میں سے 25 نرسریوں سے مکمل وصولی ہوچکی ہیں جبکہ باقی نرسریوں سے وصولی کے لئے انہیں نوٹس جاری کئے گئے ہیں۔ اس موقع پر ڈائریکٹر جنرل ڈاکٹر سید سیف الرحمان نے ہدایات دیں کہ ہر نرسری کو نمبر الاٹ کریں اور ان پر بورڈ آویزاں کیا جائے کہ مذکورہ نرسری کب الاٹ کی گئی اور معاہدہ کب تک برقرار رہے گا جبکہ الاٹ کی گئی نرسریوں کے ماہانہ کرایہ میں علاقہ کی حیثیت کے مطابق وصول کیا جائے۔اجلاس میں ممبر فنانس قاضی عبدالقادر، چیف انجینئر رام چند، سیکریٹری کے ڈی اے شکیل خان، ڈائریکٹر آئی ٹی کمال احمد صدیقی، ڈائریکٹر کوآرڈی نیشن محمد نعیم وحید، ڈائریکٹر ایڈمن محبوب عالم، ٹریفک انجینئرنگ اینڈ بیورو نوید اظہار، پروجیکٹ ڈائریکٹر لائنز ایریا مبین احمد صدیقی،ڈائریکٹر مارکیٹنگ اینڈ پبلک ہائوسنگ اسکیم ندیم احمد، منیجر پائپ فیکٹری امانت علی میرانی، ڈائریکٹر اسٹیٹ اینڈ انفورنسمنٹ دلدار شاہ، ڈائریکٹر ریکوری رضا قائم خانی، ڈائریکٹر اسپورٹس خرم عارف، لاء آفیسر افتخار
الحسن، پرائیویٹ سیکریٹری ریاض احمد راشد، ڈائریکٹر پبلک ریلیشنز رئیس تبسم و دیگر افسران موجود تھے۔
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| |
 |
|
| |
Copyright © 2016 Karachi Development Authority. All Rights Reserved.
The KDA will not be responsible for the content of external internet sites.
/
Login
/
Webmail
|
|