Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  ادارہ ترقیات کراچی کے عملے نے حسن اسکوائر تا نیپا چورنگی میں واقع غیر قانونی ٹھیلوں، کیبنوں اور پتھاروں کو ہٹادیا۔  
     
  23-Nov-2018  
     
   
     
  ادارہ ترقیات کراچی کے عملے نے حسن اسکوائر تا نیپا چورنگی میں واقع غیر قانونی ٹھیلوں، کیبنوں اور پتھاروں کو ہٹادیا۔ تفصیلات کے مطابق گزشتہ روز سے جاری آپریشن کے دوران متعدد کیبنوں، سینکڑوں ٹھیلوں، پتھاروں، پختہ تجاوزات، شیڈز، سائن بورڈز اور تقریباً 1500 غیر قانونی دکانوں کے خلاف محکمہ اسٹیٹ اینڈ انفورنسمنٹ کے عملے نے کارروائی کرتے ہوئے خاتمہ کیا جبکہ گلشن اقبال میں قائم جونا گڑھ لان کے خلاف کارروائی کرتے ہوئے ہیوی مشینری کے ذریعے غیر قانونی ہال کو پولیس و مقامی انتظامیہ کی موجودگی میں مسمار کردیا گیا۔ ایسے دکاندار جنہوں نے فٹ پاتھ، سڑکوں اور گلیوں میں قبضہ کررکھا ہے اور وہاں کاروبار کررہے ہیں تو فوری طور پر قبضہ ختم کردیں، نہیں تو قبضہ مافیا کے خلاف کارروائی عمل میں لائی جائے گی۔ فوڈ اسٹریٹ پر موجود دکانیں جو حدود سے باہر تھیں ان کو بھی مسمار کردیا گیا جبکہ فٹ پاتھ پر قائم تجاوزات کو ہٹادیا گیا۔ کے ڈی اے محکمہ انسداد تجاوزات کا عملہ شہر بھر قبضہ مافیا کے خلاف بھرپور قوت کے ساتھ کارروائیاں کررہا ہے، ڈائریکٹر جنرل ادارہ ترقیات کراچی سمیع الدین صدیقی نے ڈائریکٹر اسٹیٹ اینڈ انفورنسمنٹ کو واضح احکامات جاری کئے ہیں کہ کسی بھی دبائو میں آئے بغیر آپریشن کیا جائے، آپریشن کے دوران قابضین یا نا معلوم افراد کی جانب سے مداخلت پر سیکورٹی اداروں کا تعاون حاصل کیا جائے۔ ادارہ ترقیات کراچی شہر کو قبضہ مافیا سے پاک کرنے کے لئے سپریم کورٹ کے احکامات پر مکمل عمل درآمد کررہا ہے۔ آپریشن کے دوران ڈائریکٹر اسٹیٹ اینڈ انفورنسمنٹ ورئیل اندھر، اسسٹنٹ ڈائریکٹر اسٹیٹ اینڈ انفورنسمنٹ خرم شہباز، ترجمان ادارہ ترقیات اکرم ستار و دیگر افسران بھی موجود تھے۔  
     
     
   
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail