Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  ڈائریکٹر جنرل ادارہ ترقیات کراچی ڈاکٹر بدر جمیل کی سربراہی میں اعلیٰ افسران پر مشتمل اجلاس منعقد ہوا۔  
     
  02-Aug-2019  
     
   
     
  ڈائریکٹر جنرل ادارہ ترقیات کراچی ڈاکٹر بدر جمیل کی سربراہی میں اعلیٰ افسران پر مشتمل اجلاس منعقد ہوا۔ اجلاس میں ادارہ ترقیات کراچی کو درپیش مسائل سمیت مختلف امور پر تفصیلی تبادلہ خیال کیا گیا۔ ڈی جی کے ڈی اے ڈاکٹر بدر جمیل نے اجلاس کی صدارت کرتے ہوئے کہا کہ کے ڈی اے افسران و ملازمین اپنی ذمہ داریاں احسن طریقے سے پوری کریں، کسی صورت غیر حاضر افسران و ملازمین کو برداشت نہیں کیا جائے گا، کراچی ڈیولپمنٹ اتھارٹی کی ساکھ برقرار رکھنے کے لئے ضروری ہے کہ اپنی قابلیت کا بھرپور استعمال کیا جائے، غیر قانونی سرگرمیوں میں ملوث افسران و ملازمین کے لئے ادارہ میں کوئی جگہ نہیں ہے، ایسے عناصر کے خلاف سخت محکمہ جاتی کارروائی عمل میں لائی جائے گی۔ انہوں نے ڈائریکٹر ریکوری کو خصوصی احکامات جاری کئے کہ ریونیو میں اضافہ کے لئے نئے ذرائع آمدن تلاش کئے جائیں اور ادارہ کو مالی طور پر مستحکم کرنے کے لئے مثبت تجاویز پیش کریں۔اس موقع پر ممبر فنانس آغا پرویز نے ڈی جی کے ڈی اے کو بریفنگ دیتے ہوئے بتایا کہ سندھ بلڈنگ کنٹرول اتھارٹی سمیت کے الیکٹرک پر ادارہ ترقیات کراچی کے واجبات بقایا ہیں، اس ضمن میں ڈی جی کے ڈی اے نے واجبات کی ادائیگی کے لئے قانونی کارروائی کرنے کے واضح احکامات جاری کئے۔انہوں نے مزید کہا کہ ریونیو میں اضافہ کے لئے پبلک ہائوسنگ اسکیم سمیت کے ڈی اے اراضیاں نیلام کی جائیں گی، جلد ہی سندھ حکومت سے منظوری لے کر میرٹ کی بنیاد پر اراضیاں نیلامی کے لئے پیش کی جائیں گی۔ آخر میں ڈی جی کے ڈی اے نے ڈائریکٹر اسٹیٹ اینڈ انفورنسمنٹ کو ہدایت جاری کی کہ قبضہ مافیا کے خلاف بلاتفریق کارروائی جاری رکھی جائے، سو فیصد قابضین سے اراضیاں چھڑاکر سرکاری تحویل میں لی جائیں اور روزانہ کی بنیاد پر قبضہ مافیا کے خلاف کی جانے والی کارروائیوں کی رپورٹ تحریری طور پر پیش کی جائے۔ اجلاس میں ممبر فنانس آغا پرویز، چیف انجینئر رام چند، سیکریٹری کے ڈی اے نعیم وحید، ڈائریکٹر فنانس سعید احمد خان، ڈائریکٹر ٹریفک اینڈ انجینئر بیورو نوید اظہار، ڈائریکٹر آئی ٹی سید کمال صدیقی، ڈائریکٹر پبلک ہائوسنگ ندیم صدیقی، ڈائریکٹر ریکوری دلدار حسین شاہ، ڈائریکٹر اسٹیٹ اینڈ انفورنسمنٹ ورئیل اندھیر، ڈائریکٹر اسپورٹس خرم عارف، میڈیا کو آرڈی نیٹر اکرم ستار و دیگر افسران موجود تھے۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail