Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  ڈائریکٹر جنرل ادارہ ترقیات کراچی ڈاکٹر بدر جمیل نے کلفٹن میں واقع شہید بے نظیر بھٹو پارک کا دورہ کیا۔  
     
  06-Nov-2019  
     
   
     
  ڈائریکٹر جنرل ادارہ ترقیات کراچی ڈاکٹر بدر جمیل نے کلفٹن میں واقع شہید بے نظیر بھٹو پارک کا دورہ کیا۔ دورہ کے دوران ڈی جی کے ڈی اے کو کو پارک کے موجودہ ترقیاتی کاموں کے بارے میں آگاہ کیا گیا۔ انہوں نے پارک کی تزئین و آرائش بالخصوص پارک کے ساتھ بہنے والے دریا نما سیوریج کے نالے کی صفائی پر بھرپور اطمینان کا اظہار کیا جبکہ پارک میں باقی مانندہ کاموں کے ساتھ صفائی و ستھرائی کے بہترین انتظامات کی ہدایات جاری کی۔ اس موقع پر ان کا کہنا تھا کہ اچی ڈیولپمنٹ اتھارٹی کو سندھ حکومت اور صوبائی وزیر بلدیات کا بھرپور تعاون حاصل ہے۔شہید بے نظیر بھٹو پارک کی تزئین و آرائش کا کام مکمل کرلیا گیا، ایک ماہ کے دوران پارک کی حالت زار بہت حد تک بہتر ہوئی ہے اور اب یہاں عوام کی آمد و رفت کا سلسلہ بھی شروع ہوگیا ہے۔ اسی طرح عوامی سہولیات کے لئے مزید پارکس کی تزئین و آرائش کرکے عوام کو صحت اور تندرستی کے ساتھ ساتھ تفریحی سہولیات کی فراہمی کے لئے اقدامات کئے جارہے ہیں۔ وزیر بلدیات سندھ کے تعاون سے کے ڈی اے اراضی پر 200 سے زائد غیر آباد پارکس کو آباد کرنے جارہے ہیں، بہت جلد بڑی تعداد میں شہریوں کو تفریحی مقامات میسر ہوں گے۔ امید ہے کراچی ڈیولپمنٹ اتھارٹی کے اقدامات کے باعث شہر کراچی کو آلودگی سے محفوظ بنانے اور شہریوں کو پرفضا ماحول فراہم کرنے میں کافی بہتری آئے گی۔ ان کا مزید کہنا تھا کہ شہریوں کو صحتمندانہ سہولیات فراہم کرنے کے لئے شہر بھر میں کھیل کے میدان آباد کرنے اور تفریحی پارکس قائم کرنے کے لئے تمام تر وسائل کا استعمال کیا جارہا ہے۔شہریوں کو تفریحی سہولیات کی فراہمی کو یقینی بنایا جارہا ہے اور شہر کی خوبصورتی میں اضافہ کے لئے کے ڈی اے کی مختلف اسکیموں میں گرینری اور پودے لگانے کا عمل جلد شروع کردیا جائے گا۔ دورہ کے موقع پر ڈی جی کے ڈی اے کے ہمراہ ڈائریکٹر پارکس مبین احمد صدیقی، ڈپٹی ڈائریکٹر پارکس عارف احمد، ڈائریکٹر پبلک ریلیشن رئیس تبسم و دیگر افسران موجود تھے۔  
     
     
   
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail