ڈائریکٹر جنرل ادارہ ترقیات کراچی ڈاکٹر سید سیف الرحمان نے کہا ہماری جدوجہد کا مقصد عوام کو سستی رہائشی اسکیم کی فراہمی ہے ۔
	17-Jan-2020
	ہماری جدوجہد کا مقصد عوام کو سستی رہائشی اسکیم کی فراہمی ہے ۔ یہ بات ڈائریکٹر جنرل ادارہ ترقیات کراچی ڈاکٹر سید سیف الرحمان نے ایگزیکٹیو بورڈ پبلک ہاؤسنگ اسکیم کی دوسری میٹنگ میں بحیثیت چیئرمین اظہار خیال کرتے ہوئے کہی۔انہوں نے کہا کہ ہم طویل کٹھن سفر کے بعد عنقریب منزل پر پہنچے والے ہیں۔ اس موقع پر ایگزیکٹیو انجینئر کورنگی ندیم اقبال نے بتایا کہ انہوں نے کے ڈی اے محکمہ انسداد تجاوزات کے تعاون سے سوک سینٹر کورنگی میںناجائز قابضین کے خلاف کاروائی کرتے ہوئے دکانیں اور دفاتر واگزار کروالئے گئے ہیں جبکہ وہاں غیر قانونی بجلی کے کنکشن بھی منقطع کر دیئے گئے ہیں۔ایگزیکٹیو انجینئر محسن رضا نے اپنی رپورٹ میں بتایا کہ ری ٹریٹ اپارٹمنٹس سرجانی ٹاؤن کی تمام 58 دکانوں پر کوئی قبضہ نہیں ہے جنہیں نیلامی میں پیش کیا جاسکتا ہے۔ایگزیکٹیو انجینئر طارق رفیع نے اپنے علاقے کی صورتحال سے آگاہ کیا۔ڈائریکٹر جنرل ڈاکٹر سید سیف الرحمان نے تمام متعلقہ ایگزیکٹیو انجینئرز کو ہدیات دیں کہ واگزار کروائی گئی اراضی پر دوبارہ قبضے کی صورت میں محکمہ انسداد تجاوزات کے تعاون سے قبضہ مافیا کے خلاف قانونی کاروائی کریں۔اس موقع پر ممبر فنانس قاضی عبدالقادر، ڈائریکٹر فنانس عطاء عباس زیدی، ڈائریکٹر مارکیٹنگ ندیم احمد،پروجیکٹ ڈائریکٹر لائنز ایریا مبین صدیقی ، ڈائریکٹر کو آر ڈی نیشن محمد نعیم وحید، ڈائریکٹر انسداد رتجاوزات محمد قاسم،ڈائریکٹر پبلک ریلیشنز رئیس تبسم اور پرائیوٹ سیکریٹری ریاض احمد راشد نے شرکت کی۔