ڈائریکٹر جنرل ادارہ ترقیات کراچی ڈاکٹر سید سیف الرحمان کی خصوصی ہدایات پرنارتھ کراچی سیکٹر فائیو سی فور اور سیکٹر ٹو میں ناجائز قابضین کے خلاف کاروائی کی گئی ۔
	23-Jan-2020
	ڈائریکٹر جنرل ادارہ ترقیات کراچی ڈاکٹر سید سیف الرحمان کی خصوصی ہدایات پرکے ڈی اے محکمہ انسداد تجاوزات کے ڈائریکٹر محمد قاسم کی سربراہی انجینئر م کی نشاندہی پرنارتھ کراچی سیکٹر فائیو سی فور اور سیکٹر ٹو میں ناجائز قابضین کے خلاف کاروائی کی گئی جس میں پختہ تعمیرات کو بھاری مشینری کے ذریعے مسمار کرکے سرکاری اراضی واگزار کروالی گئی۔ دوسری کاروائی سرجانی ٹاؤن سیکٹر نائن میں ناجائز قابضین کے خلاف کی گئی جس کے نتیجے میں تین ایکڑ سرکاری اراضی واگزار کروائی گئی جبکہ سرجانی ٹاؤن ہی میں سیکٹر دس سب سیکٹر سات میں تین فلیٹس سائٹس پرقائم الہدیٰ کو آپریٹیو ہاؤسنگ سوسائٹی کے خلاف کاروائی کرتے ہوئے سرکاری اراضی واگزار کروائی گئی۔ کے ڈی اے محکمہ انسداد تجاوزات کے تحت تیسری کاروائی نارتھ ناظم آباد بلاک اے میں کی گئی جہاں ڈے کیئر سینٹر کو خالی کروا کر اسے سیل کر دیا گیا۔ اس موقع پر محکمہ انسداد تجاوزات کے عملے کومزاحمت کا سامنا کرنا پڑا مگر اس کے باوجود محکمہ انسداد تجاوزات کے عملے نے کسی دباؤ میں آئے بغیر کاروائی جاری رکھی۔ڈائریکٹر جنرل ڈاکٹر سید سیف الرحمان نے کہا ہے کہ کے ڈی اے اراضی کی ہر صورت میں حفاظت کی جائے گی اور ناجائز قابضین کے خلاف کاروائی بلا امتیاز جاری رہے گی جبکہ واگزار کروائی گئی اراضی کو عوام کے بہتر مفاد میں استعمال کیا جائے گا ۔