سرجانی ٹاؤن میں دکانوں کی نیلامی سے عنقریب کے ڈی اے مارکیٹ آباد ہو جائے گی
	23-Feb-2020
	ادارہ ترقیات کراچی کی جانب سے سرجانی ٹاؤن، گلشن اقبال اور کورنگی کی پرائم لوکیشن پر فلیٹ، دکانوں اور دفاتر کا شاندار نیلام عام 26,25اور27فروری بالترتیب منگل بدھ اور جمعرات بمقام سیمینار ہال سوک سینٹر گلشن اقبال کراچی میں ہوگا۔ ڈائریکٹر جنرل ادارہ ترقیات کراچی ڈاکٹر سید سیف الرحمٰن کی خصوصی ہدایات پر سرجانی ٹاؤن میں ری ٹریٹ اپارٹمنٹس اور سرجانی ویو کی دکانوں کے اطراف بھاری مشینری کے ذریعے جا بجا کچرے کے ڈھیر اور جھاڑیوں کی کٹائی کے علاوہ مذکورہ دکانوں کے سامنے 5000روڈ پر کارپیٹنگ مکمل کر لی گئی ہے جبکہ سرجانی ٹاؤن میں دکانوں کی نیلامی سے عنقریب کے ڈی اے مارکیٹ آباد ہو جائے گی جس سے علاقے کی رونق میں اضافہ اورروزمرہ اشیائے ضروریہ کی خریداری میںسہولت مسیر آسکے گی۔ اسی طرح گلشن اقبال میں واقع فلیٹ اور کورنگی سوک سینٹر کے دفاتر کو بھی نیلامی سے قبل صاف ستھرا کیا گیا ہے۔