ناگہانی اور حادثاتی طور پر لگنے والی آگ پر جلد قابوپانے کیلئے سوک سینٹرگلشن اقبال میں دو فائر ٹینڈرز کیلئے شیڈز تیار کروائیں۔ ڈائریکٹر جنرل ادارہ ترقیات کراچی ڈاکٹر سید سیف الرحمٰن
	03-Mar-2020
	سوک سینٹر گلشن اقبال عوامی مرکز کی حیثیت رکھتا ہے جس میں مختلف سرکاری اداروں اور محکموں کے دفاتر قائم ہیں جن میں سرکاری املاک اور ریکارڈکی حفاظت نہایت ضروری ہے۔یہ بات ڈائریکٹر جنرل ادارہ ترقیات کراچی ڈاکٹر سید سیف الرحمٰن نے افسران کے اجلاس کی صدارت کرتے ہوئے کہی۔ انہوں نے ڈائریکٹر ایڈمن محبوب عالم اور انجینئر شاہد شیخ کو ہدایات دیں کہ خدانخواستہ ناگہانی اور حادثاتی طور پر لگنے والی آگ پر جلد قابوپانے کیلئے سوک سینٹرگلشن اقبال میں دو فائر ٹینڈرز کیلئے شیڈز تیار کروائیں اور آفیسرز اور اسٹاف کیلئے مناسب دفتری انتظام کریں۔اس موقع پر ممبر فنانس عبدالقادر منگی، چیف فائر آفیسر سید امتیاز افضل،ڈائریکٹر کو آر ڈی نیشن محمد نعیم وحید، ڈائریکٹرپبلک ریلیشنز رئیس تبسم ، پرائیوٹ سیکریٹری ریاض احمد راشد اور دیگر افسران موجود تھے۔