پبلک ہاؤسنگ اسکیم کے تحت کے ڈی اے مارکیٹ سرجانی ری ٹریٹ اور سرجانی ویو کی دکانوں کے شاندار نیلام عام سے قبل نیلامی کیلئے جگہ کا تعین، اطراف میں سروس روڈ کی تعمیر اور دیگر ضروری انتظامات کئے جائیں۔
	13-Mar-2020
	پبلک ہاؤسنگ اسکیم کے تحت کے ڈی اے مارکیٹ سرجانی ری ٹریٹ اور سرجانی ویو کی دکانوں کے شاندار نیلام عام سے قبل نیلامی کیلئے جگہ کا تعین، اطراف میں سروس روڈ کی تعمیر اور دیگر ضروری انتظامات کئے جائیں۔ یہ ہدایات ڈائریکٹر جنرل ادارہ ترقیات کراچی ڈاکٹر سید سیف الرحمٰن نے متعلقہ انجینئرز کواجلاس کی صدارت کرتے ہوئے کہی۔انہوں نے کہا کہ عوام الناس کو نیلام عام میں راغب کرنے کیلئے الیکٹرونک و پرنٹ میڈیااور بینرز کے ذریعے مناسب تشہیر ، علاقے میں پمفلٹ کی تقسیم ،مذکورہ جگہ کی صفائی ستھرائی، کمپیوٹرسسٹم سمیت سیکورٹی اور روشنی کا انتظام کیا جائے تاکہ نیلام عام کو شفاف اور کامیاب بنایا جا سکے۔اس موقع پر ممبر فنانس قاضی عبدالقادر، چیف انجینئر نوید اظہار، ڈائریکٹر مارکیٹنگ ندیم احمد، ڈائریکٹر آئی ٹی کمال احمد صدیقی، ڈائریکٹر کو آر ڈی نیشن محمد نعیم وحید، ڈائریکٹر ایڈمن محبوب عالم، ڈائریکٹر اسٹیٹ محمد قاسم، ڈائریکٹر پبلک ریلیشنز رئیس تبسم، پرائیوٹ سیکریٹری ریاض احمد راشد اور دیگر متعلقہ انجینئرز اور افسران شریک تھے۔